Audiobooks by Kristín Helga Gunnarsdóttir

[Icelandic] - Draugaslóð

"Eyvindur Þóruson og amma hans búa ásamt tveimur köttum í gömlum bústað við Elliðavatn. Þar hefur lífið gengið sinn vanagang þau þrettán ár sem Eyvindur hefur lifað en nú liggur eitthvað í loftinu. Sami magnaði draumurinn sækir aftur og aftur að Eyvindi – þar æða trylltir hestar um í þoku, jörðin opnast, hverir gjósa og kofar brotna í spón. Örlögin leiða Eyvind upp á öræfi þar sem hann fetar magnaða draugaslóð á vettvangi Fjalla-Eyvindar, Reynistaðarbræðra og síðast en ekki síst nýliðinna atburða sem hann sogast inn í án þess að fá nokkru um það ráðið. Kristín Helga Gunnarsdóttir hefur á undanförnum árum skipað sér í hóp vinsælustu rithöfunda landsins. Draugaslóð er spennandi bók þar sem nútíð og fortíð fléttast saman, útilegumenn og draugar leika lausum hala og óbyggðirnar breiða úr sér."

Kristín Helga Gunnarsdóttir (Author), Kristín Helga Gunnarsdóttir (Narrator)

Audiobook

Iceland’s Mountain Factory

"Seven new graduates from a mountaineering academy in the south-east of Iceland, all with different plans for the future, are sharing a lift back towards Reykjavík when they are driven by a fierce storm to take refuge in an old Nissen hut close to the glacial lagoon of Jökulsárlón. There they decide to set up Iceland’s Mountain Factory – a free state dedicated to nature, sustainability, contentment and the fight against the destruction of the planet. They knit and brew, they go dumpster diving, they cook, they love and dream. Individually, the members of the group approach the project on their own terms, but sharing a thirst for adventure and quest for security. They also, however, belong to a wider community – this cannot be denied, and it leads to conflicts of opinion. One of the girls in the group, Emma, has already made a name for herself as an environmental activist and influencer. She regularly streams the message of the Mountain Factory live online, and has accumulated an expanding number of followers around the world. The day that Emma is found lifeless, floating in a kayak on the lagoon, everything changes."

Kristín Helga Gunnarsdóttir (Author), Kristín Helga Gunnarsdóttir (Narrator)

Audiobook

[Icelandic] - Vertu ósýnilegur: Flóttasaga Ishmaels

"Leiðin um Dauðastræti er greið þetta kvöld. Þeir smeygja sér á milli teppa sem hanga hér og hvar þvert yfir götuna til að byrgja leyniskyttum sýn. 'Galdurinn er að ímynda sér að maður sé ósýnilegur, Ishmael, sko, þegar þú mætir þessum vopnuðu mönnum. Vertu agnarsmár og ekki horfa í augun á neinum. Flýttu þér þangað sem þú ætlar án þess að hlaupa. Það vekur grunsemdir ef þú hleypur.' Eitt sinn bjó Ishmael í borg þar sem var líf og fjör alla daga og börn léku sér innan um dulúðuga hnífasala, villiketti og sápugerðarmeistara. Núna er hann fjórtán ára og borgin hans er vígvöllur. Þegar heimilið er rústir einar neyðist hann til að leggja land undir fót og leita skjóls þar sem friður ríkir. En flóttaleiðin er lífshættuleg. Á sama tíma glímir fjölskylda í Kópavogi við það flókna verkefni að fóta sig í nýju landi."

Kristín Helga Gunnarsdóttir (Author), Kristín Helga Gunnarsdóttir (Narrator)

Audiobook

[Icelandic] - Fíasól á flandri: á flandri

"Um bókina: Fíasól er átta ára gamall ferðalangur og óskabarn sem lendir í einhverju fjörugu á hverjum degi. Hér útvegar hún fjölskyldunni einkaþjón, kallar saman nokkra viðskiptarisa til styrktar góðu málefni, hittir næstum því forsetann og bregður sér í ævintýraferð til útlanda. Úr Fíusól á flandri: Bíddu við, sagði Fíasól við mömmu. Ætlar þú þá að taka peningana sem við Pippa eigum að fá fyrir flöskurnar?  Nei, sagði mamma og brosti. Ég borga ykkur út af reikningnum mínum. Hvað skulda ég henni? spurði mamma.  Ekki neitt, sagði maðurinn brosandi.  Jú, sjáðu til, sagði mamma. Hún á flöskupeningana og ég þarf að fá að vita hvað ég skulda henni. Auðvitað skuldar hún mér. Það er ég sem á þessa peninga sem þú setur inn á reikninginn hennar. Ég og systir mín.  Maðurinn leit fast á Fíusól.  Nei, þú skuldar mömmu þinni.  Ha? Ertu eitthvað lélegur í reikningi? sagði Fíasól með þjósti. Þú skuldar henni mömmu þinni því hún gaf þér lífið sjálft og er að koma þér til manns. Hún fæðir þig og klæðir og gefur þér þak yfir höfuðið, öryggi og skjól, ást og umhyggju, sagði hann og horfði sigri hrósandi á Fíusól.  Mamma brosti í laumi þegar hún sá svipinn á Fíusól. Stelpan sú varð í fyrsta skipti á ævinni orðlaus og strunsaði út í bíl.  Þú skuldar mér nú samt, er það ekki, mamma? sagði Fíasól blíðlega þegar þær óku af stað.  Jú, auðvitað, sagði mamma. Ég fékk miða hjá manninum og ég lofa að borga þér fljótlega.  Fíasól sat þögul í bílnum á leiðinni heim. Mamma, ég borga þér til baka alla daga, sagði hún hugsi þegar þær komu heim. Ég meina fyrir lífið, matinn og þakið. Ég borga þér með því að vera skemmtileg, góð og yndisleg og með því að vera vinkona þín, er það ekki?"

Kristín Helga Gunnarsdóttir (Author), Kristín Helga Gunnarsdóttir (Narrator)

Audiobook

[Icelandic] - Fíasól í fínum málum: í fínum málum

"Fíasól er sjö ára stelpa sem fer sínar eigin leiðir. Til dæmis vill hún BARA ganga í bleikum fötum og svo hefur hún meira að segja rænt sjoppu, en það var nú alveg óvart og hún gerir það aldrei aftur. Oftar en ekki stangast annars fínar hugmyndir Fíusólar á við það sem fullorðna fólkið vill. Og þá getur hún verið í vondum málum. Fíasól í fínum málum er fyrsta bókin um spræka stelpuskottið sem sigraði hjörtu íslenskra bókaorma eftir Kristínu Helgu Gunnarsdóttur. Halldór Baldursson gaf Fíusól líf í leiftrandi myndum."

Kristín Helga Gunnarsdóttir (Author), Kristín Helga Gunnarsdóttir (Narrator)

Audiobook

[Icelandic] - Mói hrekkjusvín: Misskilinn snillingur

"Mói - Hrekkjusvín eða misskilinn snillingur Flestir snillingar mannkynssögunnar hafa verið misskildir. Í raun hefur enginn kunnað að meta þá fyrr en þeir eru löngu dauðir. Það segir pabbi að minnsta kosti. Ég held að ég sé einn af þeim. Mói hrekkjusvín er eyrnastór götustrákur sem heitir reyndar fullu nafni Marteinn Jörundur Marteinsson. Besti vinur hans, Byssu-Jói, risavaxinn leynikúreki og verndari Móa, er aldrei langt undan, nagar puntstrá, tyggur tóbak og segir: „Ó boj, MÓI!“. Mói fær óteljandi hugmyndir, flestar frábærar og aðeins örfáar sem eru ekkert sérstakar. Hann reynir að sigla á ísjaka til Ameríku og búa til heimagerð nagladekk. Stundum er svo mikið að gera hjá honum að hann gleymir skólatöskunni í skólanum. Stundum bjargar hann lífi fólks hinu megin á hnettinum en samt fara allir á taugum þegar hann skrúfar í sundur raftæki eða hristir nokkra gosflöskur. Einu sinni á ári fá allar mömmur hrekkjusvína á Íslandi nóg af þeim. Þá senda þær villingana sína á landsmót hrekkjusvína við Jötnatjörn. Mömmurnar hvíla sig og hrekkjusvínin læra bænir og góða siði. Þegar Mói hrekkjusvín, Orri prestsins og Byssu-Jói fara á kreik getur hvað sem er gerst, draugar fara á stjá í kirkjunni, peningar hverfa úr söfnunarbauknum og moldríkir kúrekar gera allt vitlaust í bíó. Allir þrír hlakka til að fara á landsmót hrekkjusvína við Jötnatjörn og á meðan er rólegt í bænum."

Kristín Helga Gunnarsdóttir (Author), Kristín Helga Gunnarsdóttir (Narrator)

Audiobook